• Os interesados deben cubrir o formulario para facer a preinscripción.
  
• Podense preinscribir en todas as categorías, dende biberóns a xuvenis
  

Negreira, 27 de Xuño de 2023.

A Asociación Deportiva Nicrariense ten aberto o prazo de preinscripción para as categorías inferiores de cara a Tempada 23/24.

O prazo para anotarse está dispoñible dende xa, e para recibir más información quedan habilitados o correo electrónico coordinador@adnicrariense.org e o número de teléfono 633 294 245 (ADN Clube)

Información sobre Categorías. A preinscripción está aberta dende os máis pequenos, categoría biberón (nados en 2018-2019), hasta os maiores do noso fútbol base, os xuvenis (2005-2007).

Non agardes máis, súmate ao noso clube

¡¡¡Contamos contigo!!!

• As interesadas deben cubrir o formulario para facer a preinscripción.
  

Negreira, 27 de Xuño de 2023.

A Asociación Deportiva Nicrariense ten aberto o prazo de preinscripción para as Ligas Femeninas de cara a Tempada 23/24.

O prazo para anotarse está dispoñible dende xa, e para recibir más información quedan habilitados o correo electrónico coordinador@adnicrariense.org e o número de teléfono 633 294 245 (ADN Clube)

Non agardes máis, súmate ao noso clube

¡¡¡Contamos contigo!!!

• Os interesados deben cubrir o formulario para facer a preinscripción.
  
• Podense preinscribir en todas as categorías, dende biberóns a xuvenis
  

Negreira, 18 de Maio de 2022.

A Asociación Deportiva Nicrariense ten aberto o prazo de preinscripción para as categorías inferiores de cara a Tempada 22/23.

O prazo para anotarse está dispoñible dende xa, e para recibir más información quedan habilitados o correo electrónico coordinador@adnicrariense.org e o número de teléfono 633 294 245 (ADN Clube)

Información sobre Categorías. A preinscripción está aberta dende os máis pequenos, categoría biberón (nados en 2017-2018), hasta os maiores do noso fútbol base, os xuvenis (2004-2006).

Non agardes máis, súmate ao noso clube

¡¡¡Contamos contigo!!!

FORMULARIO WEB: https://adnicrariense.org/formulario-preinscripcion-adn-t-22-23/

Your content goes here. Edit or remove this text inline or in the module Content settings. You can also style every aspect of this content in the module Design settings and even apply custom CSS to this text in the module Advanced settings.

TORNEO DO CAMIÑO – REGLAMENTACIÓN OFICIAL BENXAMÍN ALEVIN

TORNEO DO CAMIÑO – REGLAMENTACIÓN OFICIAL PREBENXAMIN BIBERON FEMENINO

Dentro do convenio de colaboración asinado entre a Sociedade Deportiva Compostela e a Asociación Deportiva Nicrariense, este verán celebrarase a primeira edición do Campus Compos de Negreira, unha actividade dirixida a nenos e nenas de 4 a 18 anos que terá lugar do 5 ao 9 e do 12 ao 16 de xullo no Campo de Fútbol de O Cepelo (Negreira).

O Campus, en horario matinal de 9.00 a 14.00 horas (con posibilidade de madrugadores ás 8.30 horas), ofrecerá aos participantes unha oportunidade de gozar do fútbol nun ambiente lúdico e seguro, no que se primará o desenvolvemento social dos pequenos. Ademais, cumpriranse todos os protocolos e medidas sanitarias marcadas polas autoridades sanitarias, no marco actual de pandemia da covid-19.

Así mesmo, os participantes terán un seguro de accidentes que responderá ante calquera problema que puidese xurdir. E, a maiores, por participar recibirán, un pantalón e camiseta ao comezo da semana.

Os prezos, por semana, varían en función das distintas modalidades previstas. Así, a tarifa xeral será de 140€; para abonados ou fillos de abonados das entidades, 125€; para os xogadores da base de ambos clubs, 90€; e para irmáns de inscritos, 70€.

O prazo de inscrición está xa aberto e os interesados poderán recibir máis información no mail coordinadorbase@sdcompostela.com ou no teléfono 652 07 52 76.

Entrevistamos a Victor Pazos, un home que coñece o fútbol Nicrariense e que agora é o responsable do fútbol base da SD Compostela

P-QUÉ TAL? CÓMO TE ATOPAS TI PERSOALMENTE DESPOIS DE ESTE PERÍODO DE INACTIVIDADE? E, CÓMO AFRONTA O FÚTBOL BASE DA SD COMPOSTELA OS CAMPEONATOS DESPOIS DESTA PANDEMIA?

V.P.-Moi boas. Pois andamos a tope. A verdade é que tivemos máis actividade ca nunca. O fútbol base leva adestrando dende Outubro. Debido ás obras do noso campo de adestramento das Cancelas, vímonos na obriga de trasladar case todos os adestramentos para Chaian. Entre os traslados, os test de antíxenos aos xuvenís, a multitude de protocolos para todo, a posta en marcha da Academia Escolar, e a organización dos partidos do primeiro equipo con tanto protocolo, quizais está sendo un ano con máis actividade da esperada.

P-CÓNTANOS QUE OBXECTIVOS SE MARCA O PROXECTO QUE LIDERAS E EN QUE PUNTO DE ESES OBXECTIVOS SE ATOPA O COMPOS NESTES MOMENTOS.

V.P.-Cando cheguei ao club marquei uns obxectivos bastante optimistas pero creo que alcanzables. A idea era poder sentarnos na mesa de Lugo, Celta e Depor nun curto- medio prazo. Creo que a día de hoxe estamos a metade de camiño. O noso primeiro equipo está agora nunha categoría moi esixente e precisan de unha canteira acorde a esa categoría.

P-O COMPOSTELA FOI REFERENTE NA COMARCA FAI ANOS, E PARECE QUE SE VAI RECUPERANDO ESE BO FACER, COMO NAS CATEGORÍAS CADETE E XUVENIL, NON?.

V.P.-Conseguimos chegar co Cadete A á División de Honra por primeira vez dende a creación desta categoría e estamos moi preto de volver co Xuvenil A á División de Honra despois de 18 anos.

P-COMO ATOPACHES O CLUB CANDO CHEGACHES? E, DESPOIS DE ESTES CONVENIOS DE COLABORACIÓN QUE SE LEVAN FIRMANDO CON VARIOS CLUBS DE FÚTBOL BASE NESTES ANOS, INCLUÍDO O RECENTEMENTE FIRMADO CO ADN, CÓMO ESTÁ AGORA MESMO E CÓMO SE XESTIONA TODO ISO?

V.P.-Cando cheguei ao final da tempada 17-18, o club estaba inmerso nunha apaixonante transformación. Viña de facer unha renovación no primeiro equipo con xente da “casa”, un adestrador novo e cunha filosofía de formación e paciencia. A primeira tempada de esta transformación, a 16-17, fixeron un séptimo posto na liga, e nesta 17- 18 acabarían primeiros e xogarían a fase de ascenso. Pero os equipos da base aínda estaban tocando fondo.

P-ERES BO COÑECEDOR DA CANTEIRA NICRARIENSE POLO TEU PASO COMO ADESTRADOR E COORDINADOR, QUÉ VALORACIÓN FAS DA CANTEIRA DA NOSA COMARCA?

V.P.-Negreira é un pobo moi futboleiro. No meu último ano de Xuvenil (2001-2002) fixen a pretemporada e estiven medio ano adestrando co equipo de terceira división. Tanto ese ano como os seguintes, eran moitos os rapaces xuvenís que acababan xogando no primeiro equipo. A ADN era, nesa época, unha das mellores canteiras das voltas. Os xogadores saían de aí rumbo ao Compostela, Deportivo, ou Atlético de Madrid. Había unha gran ilusión pola canteira.

P-PODE SER ISTO BENEFICIOSO PARA A COMARCA DE BARCALA?

V.P.-Sí, claro. Estou convencido.

P-O ACORDO COA ADN, FALA DE UNHA COLABORACIÓN TAMÉN COS ADESTRADORES DO CLUB; QUÉ METEDOLOXÍA PRETENDES OU PRETENDE O CLUB IMPLANTAR NA FORMACIÓN DESTES XÓVENES ADESTRADORES?

V.P.-Como ben dis, é só iso, unha colaboración. Non intentamos implantar nada. Na SD Compostela temos un encargado de metodoloxía que é Pablo Antas, xogador do primeiro equipo. É un enfermo do fútbol ademais de un adestrador moi formado. El supervisa e orienta o traballo dos nosos adestradores.

P-¿CALES SERÍAN AS LIÑAS MESTRAS PARA IMPRANTAR ESTA METODOLOXÍA?

V.P.-Non creo que haxa liñas mestras na nosa metodoloxía pero si puntos importantes. Por exemplo, no fútbol 8 cremos que a competición ten que ter un papel moi secundario e a formación debe ser o prioritario. Xa sei que todo o mundo opina isto pero logo o fin de semana vemos a nenos que solo xogan 5 minutos. Iso está prohibido. Todos os nenos deben xogar un mínimo de minutos.

P-O PRIMEIRO EQUIPO ESTÁ REALIZANDO UNHA TREMENDÍSIMA CAMPAÑA EN 2oB. ESTÁ SENDO ESTE UN ALICIENTE PARA OS XOGADORES MÁIS XÓVENES E ESTÁ A INFLUÍR ISTO NA CAPTACIÓN DE RAPACES PARA A SD. COMPOSTELA?

V.P.-Sí. Non sabería dicirche en que porcentaxe está a influír pero é un aliciente importante. Estes anos xa estabamos a recibir moitos nenos novos. Cando cheguei andabamos polos 100 nenos na canteira e a día de hoxe debemos andar en torno aos 250. Tiñamos 8 equipos inscritos na 17-18 e este ano temos 17 equipos.

P-POR ÚLTIMO, CÓMO TE ENCONTRAS MELLOR: ADESTRANDO OU COORDINANDO NUN CLUB CON TANTA HISTORIA? E, VESTE DIRIXINDO O PRIMER EQUIPO ALGÚN DÍA?

V.P.-Pois non sei que dicirche, a verdade. Adestrar gustoume moito no seu momento. Saquei o Nivel 3 e adestrei dende Biberóns ata Preferente. Pero quizais chegou un momento no que me apaixonei pola dirección. Fixen un par de cursos na Federación Española e algúns outros aquí en Galicia. Formeime para o cargo que ocupo agora. A día de hoxe, véxome máis dirixindo un club dende os despachos que dende o banquiño, pero nunca se sabe.

   La Sociedad Deportiva Compostela y la AD Nicrariense han firmado un acuerdo de colaboración en las categorías inferiores para las próximas dos temporadas, 2020-21 y 2021-22, mediante el cual buscan el impulso de la actividad futbolística en la comarca, además de un estímulo para los más jóvenes.

   Con la firma de ambos presidentes, Antonio Quinteiro y Jesús Dopazo, ambas entidades se comprometen a trabajar conjuntamente, de forma activa, en la formación de los pequeños jugadores y también de los técnicos.

   Por ello, mediante la firma de este convenio, los entrenadores y futbolistas de la base del AD Nicrariense podrán participar en los programas deportivos impulsados por la SD Compostela, tales como la de formación de técnicos, la Compostec, el Clínic o los Campus de Verano y Navidad, o la Academia, con las mismas ventajas que los miembros del club blanquiazul.

   A mayores, el Compos tendrá un derecho preferente sobre los jugadores de la AD Nicrariense, siempre que suban de categoría en su formación, siguiendo los informes e indicaciones de los técnicos locales.

   Por otra parte, la SD Compostela colaborará con el club de Negreira para la organización de un torneo o Campus en su localidad, así como la celebración de un partido amistoso del primer equipo. Del mismo modo, el Compos dispensará invitaciones a la AD Nicrariense para los partidos oficiales que dispute en el Estadio Verónica Boquete durante la vigencia del presente vínculo.

Entrevistamos a Javier Lodeiro, un home que coñece á perfección o fútbol Nicrariense e a ADN, foi un dos socios fundadores e, xunto con Vicente Pérez, puxeron a andar no eido deportivo a este club, ninguén mellor que el para falarnos do pasado, do presente e do futuro do fútbol na nosa contorna.

P- En primeiro lugar, benvido de novo a túa casa Javier; o primeiro é preguntarche. Qué tal te encontras? Estás contento coa túa volta a ADN?

J.L.- Ben, a verdade é que atópome ben e adestrando ós rapaces estaba traballando moi a gusto. Os nenos tamén comezaban a saber que é o que quería e foi unha verdadeira pena que tiveramos que parar polas restricións, pero tocará volver empezar de cero cando nos deixen.

P- Seguro que atopaches o club moi distinto a cando o deixarades na primeira etapa.

J.L.- Sí, as cousas cambiaron e moito, non é como antes. Cando iniciamos pasaba moito máis traballo do que paso agora, tiña que preocuparme de moitas cousas á vez; hoxe hai unha xente por detrás que está traballando, que está levando todo, e eu só me dedico o tema deportivo que a fin de contas é o máis importante.

P- Javier Lodeiro non o vamos a descubrir agora pero xa ten un bagaxe deportivo importante na nosa contorna, dende o teu punto de vista, Javier, en qué cres que se mellorou e qué cousas se botan en falta no fútbol rexional a día de hoxe?.

J.L.- Mellorouse moito nas instalacións deportivas, mellorouse na asistencia ós adestramentos e mellorouse moito no material co que traballamos porque algúns balóns dos que poñíamos antes parecían pedras, hoxe os balóns son de outra forma e os medios para levar a cabo os adestramentos son outros moi diferentes.

Despois, o que vexo é que as mentalidades son moi distintas, por exemplo, non é o mesmo un rapaz de fai 20 anos que un rapaz dos de agora. As cousas vense de diferente forma, e toca adaptarse. Na Esteirana, por exemplo cambiaron moitas cousas cando eu cheguei e o propio presidente mo recoñeceu e hoxe gracias a ese traballo a Esteirana está nunha boa posición.

 Aquí, en ADN, eu vin moitas cousas, vin moitos partidos e íase ben encamiñado pero sempre van existir tropezos ou atrancos e tense que pensar sempre no que se vai a facer, non facer as cousas por facelas. Gústame a idea que ten club pero cando se traballa con moitos nenos é imposible sacar o proveito a todos eses nenos, é imposible; agora ben se temos un grupo, teremos que tratar de aproveitar ese grupo e cunha pautas formalos, exixirlle e promocionalos, eses son os valores do ADN e é o que ten que ser.

P- A raíz de isto último que acabas de comentar, cómo e por qué se montou este club no ano 1996? Qué idea tiñades na cabeza?

J.L.- Estabamos nas Escolas deportivas municipais Vicente e mais eu, no Pavillón de Pedra Mámoa, e viñeron un grupo de rapaces que tiñan unhas condicións enormes. Naquela época só se levaban ata alevíns creo recordar e unha vez que pasaban para infantís xa non había máis, entón os pais foron os que nos pediron se Vicente mais eu os poderíamos adestrar, nos viviamos un enfronte do outro e empezamos a deseñar o que sería a ADN, despois foise aumentando o número de xogadores e equipos, pero a forma na que plantexamos ADN foi o que nos dou os resultados, iso sí, Vicente e mais eu nunca pensamos sacar o que sacamos. 

A nosa idea era que os rapaces chegaran a xogar no que tíñamos aquí, que o que tíñamos aquí era a S.D. Negreira que naqueles momentos estaba por outras pautas, tiña outros obxectivos e por iso se creou ADN, para que os rapaces xogaran no Negreira; e aínda que houbo moitos rapaces que saíron da ADN que xogaron no Negreira, o final non foi así.

 Eu penso que houbo moitos malos entendidos, todo  o mundo pensaba que íamos en contra do Negreira e nós o que queríamos é que os rapaces xogaran aquí pero ós que non se lle daba saída marchaban a outros lados. Un bo día Vicente e mais eu puxémonos a contar os xogadores que tíñamos xogando por aí, e contamos 16 xogadores que pasaron pola rexional preferente, ou que pasaron pola terceira división. Non podemos dicir que é produto do noso traballo senón de unha serie de circunstancias (directiva, pais, xogadores, etc…) que levaron a eses feitos.

P- Do ano 1996 ata o 2010 conviviron ADN e SD.Negreira, nese ano fusionou os dous clubs e no 2017 rexurde de novo ADNicrariense, recollendo as ideas que se sembraron nun principio. Qué obxectivos debe ter ADN hoxe en día?

J.L.- Penso que agora mesmo, conforme se dan todas estas circunstancias, o club ten que procurar saír e empezar dende abaixo de todo, comezar dende as bases, non se pode pretender ter moito xa ó principio, para iso temos que dicirlle a xente que para ir a Cepelo hai que ter unha obrigación, e despois teñen que vir a desfrutar e pasalo ben a Cepelo, para o día de mañá poder ver os resultados. 

Estes dous meses que estivemos adestrando cos rapaces xa se palpaba no ambiente, os rapaces incluso os días de choiva veñen a adestrar e eses sentimento de vir adestrar e pertencer a un grupo hai que ir pouco a pouco tratar de inculcalo.

Un día discutía co Presidente Ramos no refuxio de Cobas, cando trataron de fusionar os equipos e díxenlle que se estaban equivocando, que se ía acabar co fútbol base. Meu dito, meu feito, botouse uns anos nos que non había fútbol base, non había xogadores, entón para que xogaran os de aquí, os nosos, non se pode estar en 2B ou Terceira porque non van a valer todos os xogadores. Se os nosos xogadores non dan o nivel para primeira, pois en segunda e traballar, traballar e traballar. Eu xoguei no Negreira cando estaba en segunda rexional e mais non pasa nada, e daquela xa hai moito tempo e o que hai que tratar é de fomentar a ilusión dos nenos e que eses mesmos nenos vexan que nós traballamos por e para eles. Tamén isto hai que facerllo ver ós pais que moitas veces é o problema de todo isto.

P- En Negreira sempre se respirou e respira moito fútbol, dan boa fe de isto os 3 equipos que existen e máis os veteranos. En ese sentido, por onde pensas que debe ir o futuro deportivo de Negreira?

J.L.- No meu parecer o primordial son unhas instalacións dignas que todos estamos reclamando, tamén os de atletismo que eu vexo moitas veces adestrando onde o instituto.

 Temos dous campos de fútbol, temos ADN cunha serie de equipos, o Negreira cuns equipos de fútbol base e sénior no que os horarios para adestrar hai que axustalos por outro lado temos un campo de fútbol de herba natural que só se utiliza cada 15 días. 

En Santa Comba acaban de cambiarlle a herba sintética ó campo de Fontenla e agora teñen dous campos para utilizar os seus futbolistas, e aquí haberá que pensar en buscarlle unha solución. Porque senón moitas cousas non se poderán levar a cabo.

P- E do Fútbol Base?

J.L.- Levo dous meses aquí, e dous meses como dixen moi contento, pero comparalo co que fixemos anos atrás é tremendamente complicado a pesar de que agora as condicións como xa dixen que rodean ó fútbol melloraron moito. Non axuda tampouco ter as instalacións paradas, pois están cambiando o fútbol pola tablet ou polo móbil e así faise mais complicado todo.

Agora, hai un grupo de infantís, que se apertamos un pouco, pode haber posibilidade de ir formando pouco a pouco e polas formas e as pautas que nos levaron ó éxito no pasado, que son orden e disciplina, disciplina e orden e sobre todo traballo, traballo e traballo.

P- ADN leva apostando por un modelo con xogadores de proximidade no seu equipo Sénior, tratando de dar saída tamén ó seu fútbol base. Débese apostar por modelo estilo Athletic de Bilbao, con xogadores propios ou un modelo máis estilo Real Madrid tratando de fichar xogadores e subir categorías?

J.L.- O modelo do Bilbao é o modelo que no que se visualizaba o ADN, algunhas veces haberá que traer algún xogador de fóra por se o equipo non o ten e hai unha necesidade imperiosa ou se quere apostar por un equipo polo que sexa pero eu teño moi claro que o de fichar a base de cartos vaise ir rematando nestes anos.

Hai que tratar de mirar o que se teña na canteira, as ligas son as ligas, e non é o mesmo xogar en segunda que en primeira ou preferente, agora hai unha cousa, os xogadores que teñamos deben ser os nosos, e eu síntome moi orgulloso do que se fixo. En todos os sitios nos que fun , tanto Carnota, Esteiro, na Serra, en Conxo, en todos os sitios que estiven adestrando sempre apostei polos de abaixo, sacar a xente da base e que a xente da base vaian subindo e eu seguirei sendo así como son.

P- Negreira ten un equipo en primeira, dous en segunda e o fútbol de base tamén dividido. Cal é a súa opinión respecto a isto?

J.L.- Eu non son ninguén para dicirlle a ninguén o que ten ou o que se debe de facer, nin ós directivos do ADN nin ós do Negreira pero sí digo que se quere traballar coa xente de aquí, como se hai que ir a terceira rexional e empezar onde se teña que empezar.

 A tempada pasada fun ver o Negreira e hai 2-3 xogadores que habían saído de aquí, mentres había tamén outros xogadores no ADN que podían xogar perfectamente no Negreira, que tiñan tamén nivel. En terceira división xa se estivo, e vai ser moi difícil volver a iso, dáme esa sensación; pero as divisións non axudan a nada.

 Recordo que cando estaba Manolo de Louro de presidente foi cando máis xogadores de Negreira houbo e débese apostar por iso. Se ADN ten unha aposta firme en ese sentido e ten que ir polo seu camiño, que vaia polo seu camiño. O que non podemos e tirar pedras o tellado nin uns nin outros, o que se ten que procurar é chegar a un arranxo. 

Se o Negreira ten cartos e se ve capacitado para pagarlle ós xogadores, adiante, pero despois non veñan dicindo é que nos estamos combatendo. Aquí estase a traballar cos rapaces e se Negreira non quere ese camiño, entón ADN terá que facer como fixo fai 2 anos montando o equipo Sénior para darlle saída a eses xuvenís. Entendo que a S.D. Negreira teña fútbol base, pero cando eses rapaces cheguen as últimas etapas e o Negreira siga coas mesmas ideas, veremos que se di nese momento.

 É unha situación que non lle encontro moita solución. Non se debe estar de esta maneira, non se pode tirar pedras ó tellado uns e outros que o fútbol hai que tratar de desfrutar de el.  Recordo que na anterior etapa xogarase tamén unha fase de ascenso entre ADN e Negreira, que gañou o Negreira, porque a ADN eran moitos xuvenís de primeiro ano con cadetes incluso, e moitos dos directivos de agora estaban xa en esa etapa tamén. Por iso de debe apostar polo que se debe apostar, pero apostar de verdade e facer as cousas con algo de criterio.

Eu alégrome moito de que as cousas traten de ir por outro camiño, as directivas teñen que traballar e aquí a directiva está a traballar moito

P- Javier, ti fuches xogador despois adestrador e tiveches unha vida sempre ligada ó fútbol e ó deporte; pensas que as novas xeracións seguirán por este camiño ?

J.L.- Hai que darlle tempo ó tempo. Os rapaces teñen que estar contentos e teñen que estar a gusto, eu aínda lle preguntei este día, como facía antes, polas notas e xa nas caras sabía a quen lle foran ben ou mal pero coma xa dixen hoxe en día as circunstancias cambiaron e é todo moito mais complicado. Eu todo o severo que fun no pasado cos meus xogadores non mo tomaron a mal a día de hoxe, pero nos tempos que corren non é o mesmo.

Eu intento inculcar exixencia e todos os días facer un pouquiño máis, para min hai que traballar de ese xeito para recoller o froito. Se non se traballa, non hai froito.

P- Levamos unha temporada aloxados de Cepelo, e o Covid parece que veu para quedar. Cómo levas isto?

J.L.- Para os nenos é moi complicado, sobre todo para os de lonxe que se mollan e teñen quetraerlle outra muda para cambialos antes de subir o coche, por exemplo. É unha situación terriblemente difícil para todos e o único que lle diría os nenos e que en vez de estar ca Tablet, que collan un balón e que se poñan contra unha parede e golpear balón, golpear balón e golpear balón para que cando pase isto todo e volvamos a comezar de novo que teñamos gañas todos, tanto a directiva, como os pais como os propios xogadores.

P- Para terminar, sendo unha figura deportiva importante para moitas xeracións nicrarienses, que reflexión ou idea che gustaría deixar para xogadores, pais ou afeccionados.

J.L.- Sen traballar non se poden conseguir os obxectivos. Se un neno vai ó colexio cos libros debaixo do brazo sen os abrir, non vai aprobar. Como adestradores temos que tratar de que os rapaces desfruten e o pasen ben e despois os rapaces teñen que vir a adestrar, as cousas non se conseguen solas.

Para os pais, dicir que os fillos son os nosos mellores expoñentes e a todos nos gusta que o noso fillo sexa o mellor, pero “mellor” é unha palabra moi extensa, e “mellor” é que o pase ben, que se divirta, que teña amigos, que teña un grupo, que saiba estar en un grupo, que conviva, que saiba comportarse na casa, que estudie, en definitiva que se comporte como se debe comportar unha persoa e iso todo pódenos dar o fútbol e o deporte, e que tratarei de inculcarlle coa miña experiencia.

 O Fútbol é unha parte das nosas vidas que nos pode dar moitas alegrías.

Jesús DoPazo Malvárez  “Suso” leva sendo membro directivo do Club dende que se refundou no ano 2017, logo dun período de inactividade, e dende fai un ano ostenta o cargo de presidente da A.D.Nicrariense. Nadie mellor que él para mostrarnos as súas impresións e coñecer un pouco máis a ADN

PREGUNTA – Dentro de todos os anos que levas, ¿ que é o que máis destacarías do Club?

RESPOSTA – O crecemento que tivemos dende que se colleu de novo a ADN,no ano 2017. Comezouse con 5 equipos,cerca de 80 xogadores e cunha pequeña axuda para material, e rematamos o ano pasado con 10 equipos, máis de 140 xogadores e unha estructura que parece que dá os seus froitos. Tamén destacaría que ADN abreu campos que ata que apareceu nunca se levaran a cabo en Negreira, como son os equipos feminino ou biberón.

PREGUNTA – Entón con equipos en todas as categorías, ¿Con qué presuposto conta A.D.Nicrariense?

RESPOSTA – O presuposto é un presuposto humilde, no que se pode deducir que existen moitisimos gastos para manter todos eses equipos. Se mal non recordó , rondaba os 75.000 € se todo fose con normalidade; pero coa pandemia do COVID vanse reducir moitisimo os ingresos que realizaba o Club, estimamos que quizais 1/3 do que tiñamos pensado nun principio. De todos modos, estamos a loitar para tratar de conseguir socios e patrocinadores para seguir sacando os equipos, polo menos igual que o ano pasado.

PREGUNTA – ¿ En que medida afectou o COVID?

RESPOSTA – Claramente en todos os sentidos que poden afectar a un club coma o noso. Pero como xa dixen antes, somos un club que se debe os xogadores de Negreira e comarca e desde o inicio deste pandemia tanto a xunta directiva como eu tivemos claro que ahora é o momento no que se necesitan ós equipos,moito máis se falamos de rapaces, sempre con sentidiño e en entornos controlados; por iso e con moitas dificultades tratamos de sacar as cousas adiante.

PREGUNTA – Dentro de ese presuposto, ¿ten ADN algunha prioridade?

RESPOSTA – A prioridade mais grande que temos ahora mesmo, e que se teña polo menos a oportunidade de facer deporte e xogar o fútbol creando un hábitos para que o día de mañan os rapaces e rapazas, non esten por exemplo todo o día nos bares ou andando por ahí solos. A min persoalmente, non me chama especialmente que se trate de subir categorías se despois os nosos deportistas están por aí adiante, como pasaba ata agora. Con esto non quero decir, que non renunciemos a nada, como foi o ano pasado, que fomos capaces de ascender o equipo sénior todo con xente de aquí. Pero para todo eso, hai que ter un club que traballe ben, que teña unha estructura ben definida, e en eso estamos na ADN. Despois o tempo acabará falando.

PREGUNTA – A raiz de eso, ¿Cree que se estivo a traballar ben no Fútbol Base nos últimos anos?

RESPOSTA – O Fútbol Base en Negreira penso que se abandonou un pouco dende que se fixera a fusión entre SD Negreira e ADN. Non se mirou tanto como se fixera por exemplo na primeira etapa da ADN. Na miña opinión, dende esa fusión no ano 2010 a prioridade foi sempre manter o primer equipo o mais arriba posible e o fútbol base en cambio só para cubrir gastos e cando se opta por esa opción sempre hai alguén que acaba perdendo, como foi que acabou pasando. ADN como club, está a traballar para recuperar ese bo traballo que se fixera na primeira etapa, e de momento no pouco tempo que levamos, os números van saindo en todos os sentidos.

PREGUNTA – O equipo sénior da A.D.Nicrariense contou na tempada pasada con moito xuvenís que debutaron na 2º Autonómica e coa plantilla case na sua totalidade con xogadores do pobo.¿ Cal é o obxetivo primordial deste equipo?

RESPOSTA – O Obxetivo fundamental é como levo diciendo,tratar de aguantar os rapaces de aquí e aguantar a categoría. Tamén aproveitar para darlle saida os xuvenís e que se vaian formando como se leva realizando ata o de agora. Este equipo ten que ser o espello que reflexe a saude do fútbol base Nicrariense.

PREGUNTA – En canto o equipo femenino, existe un grupo moi novo de rapazas, sendo case todas de etapa cadete ou xuvenil ¿que aspiracións existen para este equipo?

RESPOSTA – Este equipo femenino, é un dos grandes éxitos da ADN. Sempre existiron rapazas en Negreira que adestraban nos equipos benxamins, ou alevins e que non tiñan continuidade aquí; por iso se buscou darlle unha oportunidade montando  un equipo femenino. A verdad, estamos encantados con elas, porque ó ser un grupo tan xoven permite que se integren mellor as rapazas que vaian saindo do fútbol base e gustaríanos que este equipo se perpetuara no tempo e existira mais afición de futbol femenino.

PREGUNTA – ¿Que tal é a relación con todos os otros estamentos de Negreira?

RESPOSTA – Na miña opinión teñen a A.D.Nicrariense algo de lado. O Concello, por exemplo, nas reclamación que fai o ADN prometen cousas e nas acaban facendo. Así por exemplo, as renovacións que son necesarias en Cepelo non se levan acabo e en cambio no outro campo municipal de Pedra Mamoa con moito menos volumen de partidos e xente sí se están sacando. Co que consideramos que nos teñen un pouco abandonados, ainda que o mal non llo fai o ADN senon os seus veciños. En canto a relación cos otros clubs,nos non temos ningún tipo de  problema con eles. Temos moi claro cal é o camiño que queremos seguir, quedou patente nas propostas por escrito que se espuxeron cando nolo solicitaron e que foron públicas nas redes sociais. Optouse pola política que leva reinando todos estes anos, co cal nos pechamos asunto e seguimos traballando pola nosa idea.

PREGUNTA – ¿Con canta masa social pode contar o Club? 

RESPOSTA – Nos últimos anos viña rondando os 350 socios, pero para esta tempada tan complicada, como xa falamos antes, e cunhas malas previsións que trae consigo o COVID-19 penso que vamos ter moitas dificultades para atopar socios. Trataremos, dende esta directiva poñer o máximo empuxe en buscar novos socios e patrocinadores. Tamén decir que temos varias casas comerciais que se ofreceron a colaborar con nós, pero ó non arrancar as competicións quedou en stand by.

PREGUNTA – Para terminar ¿ que lles diría dende aquí?

RESPOSTA – Diría que é un ano tremendamente complicado para todos, pero no que sempre hai que mirar hacia adiante. O deporte é un dos grandes empuxe de moita xente, máis se cabe nos rapaces e rapazas polo que sempre se debe apostar por eles, eso sí con “sentidiño” e tomando todas as precaucións posibles. Nos seguiremos traballando polos nosos rapaces e defenderemos este proxecto, tratando de facelo coa máxima transparencia e cercanía como fixemos ata o de agora. Vamos a necesitar a colaboración de todos e todas para tratar de sacar esto adiante e que nos faga sentir orgullosos, pero tamén estou seguro de que vai valer a pena.

A.D Nicrariense sortea unha fabulosa cesta de Nadal que estará exposta no local da rúa da Cachurra de Negreira, ata o dia 5 de xaneiro do 2021.

Con máis de 50 productos e valorada en 400€, esta cesta de Nadal pode ser túa por só 1€,que se podrán mercar  tanto ós xogadores da ADN como nos comercios colaboradores:

• Librería Remuiño
• Cafetería Abrente
• Café Bar Fontana
• Panadería e Cafetería Xallas
• Café Bar O Cotón
• Carnicería Suso
• Comercial Liñares
• Estación de servicio Shell Seoane

O gañador será o poseedor do boleto cuxo número coincida co extraído no sorteo que se celebrará o día 5 de xaneiro, en directo en Radio Negreira. Non debes tirar os boletos, porque en caso de non aparecer o gañador voltarase a sortear de novo ata aparecer o boleto premiado.